၆၃ နှစ်မြောက် ပြည်ထောင်စုနေ့ ထုတ်ပြန်ကြေညာချက်
တိုင်းရင်းသားပေါင်းစုံ ပြည်သူလူထုတရပ်လုံး တန်းတူညီမျှသည့် ပြည်ထောင်စု နိုင်ငံတော်အဖြစ် ဖွဲ့စည်းထူထောင်သွားရန် မြန်မာ့လွတ်လပ်ရေးဖခင် ဗိုလ်ချုပ်အောင်ဆန်းနှင့် လူမျိုးစုတိုင်းရင်းသား ခေါင်းဆောင်များက သျှမ်းပြည်နယ် ပင်လုံမြို့၌ ၁၉၄၇ ဖေဖေါ်ဝါရီလ(၁၂)ရက်နေ့တွင် လက်မှတ်ရေးထိုးခဲ့ကြသည်။ ဤသဘောတူညီချက်ကို ပြည်ထောင်စုစိတ်ဓါတ်၊ ပင်လုံစိတ်ဓါတ်ဟူ၍လည်း ခေါ်စမှတ်ပြုကြသည်။ သို့သော် ဗိုလ်ချုပ်အောင်ဆန်း လုပ်ကြံခံခဲ့ရပြီးနောက် ခေါင်းဆောင်ကြီးများ မျှော်မှန်းခဲ့သည့် ပြည်ထောင်စုမှ လမ်းလွဲခဲ့ရသည်။ ပြည်တွင်းစစ်မီးကြီးလည်း တောက်လောင်ခဲ့ရသည်။
တဖန် ၁၉၆၂ခုနှစ် စစ်တပ်မှ အာဏာသိမ်းခြင်းနှင့်အတူ တန်းတူရည်တူရေးကို အခြေခံသော ပြည်ထောင်စုစနစ် တည်ဆောက်ရေး မူလရည်မှန်းချက်များ လုံးဝ မှေးမှိန် ပျောက်ကွယ်ခဲ့ရသည်။ ထို့အပြင် တိုင်းရင်းသား စည်းလုံးညီညွတ်မှု ပြိုကွဲခဲ့ရသည်သာမက ဒီမိုကရေစီလည်း ဆိပ်သုဉ်းခဲ့ရသည်။ ပြည်သူတရပ်လုံးမှာလည်း စစ်အာဏာရှင်၏ ဖိနှိပ်မှုအောက်မှာ လည်စဉ်းခံနေရပြီး မကြုံဖူးလောက်အောင် ဆင်းရဲတွင်းနက်စေခဲ့သည်မှာ ယနေ့ကာလအထိပင် ဖြစ်သည်။
စစ်အစိုးရသည် တိုင်းရင်းသားများ၏ စစ်မှန်သော ပြည်ထောင်စုနိုင်ငံတည်ထောင်ရေး တောင်းဆိုမှုများကို နည်းမျိုးစုံဖြင့် ဖိနှိပ်ဖြိုခွင်းလျှက်ရှိသည့်အပြင် စစ်အာဏာရှင်စနစ် သက်ဆိုးရှည်ရေး အချက်(၇)ချက်ပါ လမ်းပြမြေပုံတရပ်ကို ၂၀၀၃ခုနှစ်မှစ၍ တဖက်သတ် ရေးဆွဲလာခဲ့ရာ ယခုအခါအဆင့်(၅)ဖြစ်သည့် ၂၀၁၀ရွေးကောက်ပွဲ ကျင်းပမည့် အဆင့်အထိ ရောက်ရှိလာပြီဖြစ်သည်။
သို့သော် တိုင်းရင်းသားပေါင်းစုံ ပြည်သူလူထု၏ မွေးရာပါ မူလရပိုင်ခွင့်များကို မျက်ကွယ်ပြုနေသရွေ့ ဖွဲ့စည်းပုံအခြေခံဥပဒေများ၊ ရွေးကောက်ပွဲများကို စစ်အာဏာရှင်များက အကြိမ်ပေါင်းမည်မျှ ပြုလုပ်ကျင်းပသည်ဖြစ်စေ တိုင်းရင်းသားပြည်သူလိုလားသည့် ဒီမိုကရေစီ ပြည်ထောင်စုနိုင်ငံတော်ကို မည်သည့်အခါမှ တည်ဆောက်နိုင်မည် မဟုတ်ပေ။
တန်းတူရည်တူမှု၊ အပြန်အလှန်လေးစားမှုတို့ကို အခြေခံသော ပင်လုံစိတ်ဓါတ်ကို ပြန်လည် အရင်းခံမှသာလျှင် ငြိမ်းချမ်း၊ ဖွံ့ဖြိုးသော ဒီမိုကရေစီပြည်ထောင်စုနိုင်ငံကို အရှည်တည်တံ့ခိုင်မာစွာ တည်ဆောက်နိုင်သည်ဟု မြန်မာမွတ်စလင်အစည်းအရုံးကြီးက အလေးအနက် ယုံကြည်သည်။
ထို့သို့တည်ဆောက်နိုင်ရန် တစ်ခုတည်းသောလမ်းဖြစ်သည့် ဒေါ်အောင်ဆန်းစုကြည်၊ ဦးတင်ဦးအပါအ၀င် နိုင်ငံရေးအကျဉ်းသားများ၊ ဦးခွန်ထွန်းဦးအပါအဝင် လူမျိုးစု ခေါင်းဆောင်များအားလုံးကို ခြွင်းချက်မရှိလွှတ်ပေးပြီး သုံးပွင့်ဆိုင်ဆွေးနွေးပွဲကို အမြန်ဆုံး ကျင်းပပေးရန် တောင်းဆိုသည်။
စစ်မှန်သော ဖယ်ဒရယ်ပြည်ထောင်စုပေါ်ပေါက်ရေး ဒို့ အရေး။
မြန်မာမွတ်စလင်အစည်းအရုံး ဖေဖေါ်ဝါရီလ (၁၂)၊ ၂၀၁၀
Media contact---
Kyaw Zwa +44 7828426801 kyawzwa@b-m-a.org
Ms. Yasmin +1 408-250-622 yasnohana@sbcglobal.net
