DKBA နယ်ခြားစောင့်တပ် ဖွဲ့ပြီ

DKBA နယ်ခြားစောင့်တပ် ဖွဲ့ပြီ

ဂျာမဏီရောက်မြန်မာ့အရေးလှုပ်ရှားသူတို့၏ ၈လေးလုံးပုံရိပ်အချို့(Berlin, 2010)

Rohingya Press TV 21 Jan 2009

Thingan Gyun Q&A - 4.wmv

Ramadam Mubarak 2010

M.B.M.A မောင်နှမများအပေါ်သို့အလ္လာအသျှင်မြတ်၏ငြိမ်းချမ်းသာယာမှုအဖြာဖြာမင်္ဂလာအပေါင်း၊ရမ္မဿန်လမြတ်ကိုအကြောင်းခံ၍ပေးသနားတော်မူပါ။ အာမီန်း.....

ဒီမိုး ... ဒီရေ ... ဒီလူတွေနဲ့ ကျနော်တို့ ဘာဆက်လုပ်ကြမလဲ.......

နေသန်မောင် | ကြာသပတေးနေ့၊ သြဂုတ်လ ၀၆ ရက် ၂၀၀၉ ခုနှစ် ၁၇ နာရီ ၀၆ မိနစ်
အထူးကဏ္ဍ - ၈ လေးလုံး အထူး

လွန်ခဲ့တဲ့ ၂၁ နှစ်တုန်းက လူသိန်းပေါင်းများစွာ လမ်းမတွေပေါ်ထွက်ပြီး
ဆန္ဒဖော်ထုတ်ခဲ့တဲ့ တခုတည်းသော ရည်ရွယ်ချက်က တပါတီအာဏာရှင်စနစ်ကို
ဖျက်သိမ်းပြီး ပါတီစုံဒီမိုကရေစီစနစ်ဆီ ပြောင်းလဲရေးဖြစ်ပါတယ်။ ဒါပေမဲ့
မြန်မာပြည်ဟာ နှစ် ၂ဝ အတွင်း ပါတီစုံဒီမိုကရေစီ အထွေထွေ ရွေးကောက်ပွဲကို
ကျင်းပနိုင်ခဲ့ပေမယ့် ၁၉၈၈ ခုနှစ်က ပြည်သူတွေ တောင်းဆိုခဲ့တဲ့
ဒီမိုကရေစီရှိတဲ့ နိုင်ငံရေးစနစ်တစ်ရပ် မပေါ်ထွန်းခဲ့ပါဘူး။

ဒီအတွက် တိုင်းပြည်ကို သံကွန်ခြာအထပ်ထပ် အောက်မှာထားပြီး အုပ်ချုပ်လာတဲ့
စစ်တပ်ကို သမိုင်းရဲ့ တဦးတည်းသော တရားခံအဖြစ်နဲ့
လက်ညှိုးထိုးခဲ့ကြပါတယ်။ နှစ် ၂၀ ကျော် ကြာလာတဲ့အခါ စိတ်နာလက်စ
ရှိထားပြီးသားမို့ အာဏာကို မြဲမြဲဆုပ်ကိုင်ထားတဲ့ စစ်တပ်ကို ပိုပြီး
စိတ်နာကြပါတယ်။

အချုပ်ပြောရင် ဘာဖြစ်လို့လဲဆိုတော့ ၁၉၉ဝ ရွေးကောက်ပွဲ အနိုင်ရပါတီဖြစ်တဲ့
အမျိုးသားဒီမိုကရေစီအဖွဲ့ချုပ်

ရဲ့ ခေါင်းဆောင် ဒေါ်အောင်ဆန်းစုကြည်ကို
မြန်မာ့နိုင်ငံရေး ဖြစ်စဉ်ထဲမှာ ပါဝင်ခွင့်မပေးဘဲ
အကျဉ်းချထားတာကြောင့်ရယ်၊ နိုင်ငံရေးလှုပ်ရှားတဲ့ ကျောင်းသား၊ လူငယ်၊
ရဟန်းရှင်လူ၊ ပြည်သူတွေကိုပါ ထောင်သွင်းအကျဉ်းချထားတာကြောင့် ဖြစ်ပါတယ်။

နေ့စဉ် မြန်မာပြည် ပြင်ပက ထုတ်လွှင့်နေတဲ့ ရေဒီယိုအစီအစဉ်တွေက
နိုင်ငံရေးဆိုင်ရာ စကားဝိုင်းတိုင်းမှာ၊ မြန်မာ့အရေး ကျွမ်းကျင်သူတွေရဲ့
စကားလုံးတိုင်းမှာ၊ အာဆီယံနိုင်ငံတွေ အချင်းချင်းကြားမှာ ပြောနေကျ
အဆုံးသတ်စကားကတော့ မြန်မာပြည်အရေးဟာ ရှေ့မတိုး၊
နောက်မဆုတ်ဖြစ်နေပြီဆိုတာကို ထပ်တလဲလဲ ပြောနေကြတာပဲဖြစ်ပါတယ်။

မြန်မာပြည်အခြေအနေဟာ ဘယ်ကိုမှ ဦးတည်မသွားဘဲ ရပ်နေပြီဆိုတဲ့
သုံးသပ်ချက်ဟာ သန်းပေါင်း ၅ဝ ကျော် မြန်မာပြည်သူတွေကို
စိတ်ဒုက္ခအကြီးအကျယ် ရောက်စေပါတယ်။ အားသွန်ခွန်စိုက် လှော်ခဲ့တဲ့လှေဟာ
ဘယ်ကိုမှ မရွေ့ဘူးဆိုတဲ့အကြောင်း သိသွားတဲ့အခါ နောက်ထပ်
လှော်ချင်စိတ်မရှိဘဲ ခြေကုန်လက်ပန်း ကျသွားစေပါတယ်။

တိုင်းပြည်မျက်နှာ ကြည့်တယ်ဆိုတာ ပြည်သူ့မျက်နှာ ကြည့်တာကို ဆိုလိုတာပါ။
နိုင်ငံရေးဆိုတာ ပြည်သူတွေအတွက် အကောင်းဆုံးဖြစ်နိုင်မယ့်အရာကို
ဆောင်ရွက်ရတဲ့ ပညာရပ်ဖြစ်ပါတယ်။

၂ဝဝ၃ ခုနှစ်မှာ ဗိုလ်ချုပ်ကြီးဟောင်းခင်ညွန့်က လမ်းညွှန်မြေပုံ ၇ ချက်ကို
ကြေညာချိန်ကစပြီး ပြည်တွင်းပြည်ပမှာရှိတဲ့ ဒီမိုကရေစီရေး
လှုပ်ရှားသူတိုင်းက အုံးအုံးကြွက်ကြွက် ကန့်ကွက်ခဲ့ကြပါတယ်။
အခုအချိန်ထိလည်း ဒီမြေပုံ ၇ ဆင့်ဟာ တဆင့်ပြီးတဆင့် ပြီးလာလိုက်တာ
နောက်နှစ်မှာ ရွေးကောက်ပွဲ ကျင်းပတော့မယ့် အခြေအနေထိကို ကြိုက်သည်ဖြစ်စေ၊
မကြိုက်သည်ဖြစ်စေ ဆိုက်ရောက်လာပါတယ်။ ၂ဝ၁ဝ ရွေးကောက်ပွဲဟာ အနှစ် ၂ဝ
မြန်မာပြည်သမိုင်းထဲမှာ ဒုတိယအကြိမ် ပွဲအဆူဆုံး နိုင်ငံရေးပွဲတခုဆိုတာ
လူတိုင်းသိထားတာမို့ ဒီမိုကရေစီရေး တက်ကြွလှုပ်ရှားသူတိုင်း (အထူးသဖြင့်
ပြည်ပရောက်) က အပြင်းအထန် ဆန့်ကျင်ပါတယ်။

မြန်မာပြည်ထဲမှာနေထိုင်တဲ့ မိသားစုတစုအတွက် နေ့လည်စာ၊ ညစာအပြင်
လျှပ်စစ်မီး၊ ရေ စတဲ့ အကြောင်းဟာ နေ့စဉ် ငရဲဖြစ်ပေမယ့်
ပြည်ပရောက်တွေအတွက် ခေါင်းထဲ ထည့်စဉ်းစားဖို့ မလိုတဲ့ အရာတွေ ဖြစ်ပါတယ်။

မြန်မာပြည် နိုင်ငံရေးမှာ ဒေါ်စုလွတ်မြောက်ရေးလို့ အော်လိုက်ရုံနဲ့တင်
အသက်သာဆုံးသော နိုင်ငံရေးကို စလုပ်လို့ ရနေတာဖြစ်ပါတယ်။ ဒေါ်စုကို
ထောက်ခံတိုင်း ဒီမိုကရေစီဘက်တော်သား၊ အင်အားစုဖြစ်တယ်လို့ ခံယူပြီး
နိုင်ငံရေးလုပ်တဲ့ နိုင်ငံရေးမျိုးက ဘယ်ကိုမှမရောက်တဲ့
နိုင်ငံရေးမျိုးဖြစ်တယ်။

၂ဝ၁ဝ ရွေးကောက်ပွဲကို ဘာကြောင့် ဆန့်ကျင်တာလဲ၊ ဘာကြောင့် သဘောတူ
လက်ခံရမှာလဲ။ ဆန့်ကျင်တဲ့ သူတွေကတော့ ၁၉၉ဝ ရွေးကောက်ပွဲရလဒ်ကို
မေးခွန်းပြန်ထုတ်ပါတယ်။ ၁၉၉ဝ ရွေးကောက်ပွဲရလဒ်ကို အဲဒီ ရွေးကောက်ပွဲ
ကျင်းပပေးခဲ့တဲ့ ဒီကနေ့ထိ အာဏာတည်နေတဲ့ စစ်တပ်က အကောင်အထည်မဖော်ခဲ့ဘူး။
မဲအပြတ်အသတ်နိုင်တဲ့ အမျိုးသားဒီမိုကရေစီအဖွဲ့ချုပ်က အာဏာလွှဲစေချင်တယ်။
အခြေခံဥပဒေ ရေးဆွဲမယ် ဆိုရင်တောင် သူတို့က ဦးစီးပြီး ရေးဆွဲချင်တယ်။
ပြောရရင် စစ်တပ်ရဲ့ အခန်းကဏ္ဍကို ကန့်သတ်လိုက်လိုတယ်။

စစ်တပ်က စကတည်းက သူတို့ရဲ့ အသက်အိုးအိမ်စည်းစိမ် လုံခြုံရေးအတွက်
အာမခံချက်ရနိုင်မယ့် အခြေခံဥပဒေနဲ့ အကာအကွယ်ယူချင်တယ်။ နိုင်ငံ
မပြိုကွဲဖို့ စစ်တပ်က နိုင်ငံရေးမှာ ပါဝင်နေဖို့လိုတယ်ဆိုတဲ့ အယူအဆကို
မြဲမြဲဆုပ်ကိုင်ထားတယ်။

အဲဒီတော့ နှစ်ဖက်စလုံး ဘယ်လိုမှ ညှိလို့မရတာကို အသေအလဲ
ဆက်ကိုင်ထားကြရင်း၊ အမှန်တရား၊ စိုးရိမ်မှုတွေ၊ အပြစ်တင်မှုတွေကိုသာ အဓိက
အားပြိုင်ကြရင်း တိုင်းပြည်က အပျက်ဘက်ကို ပိုမို ကျဆင်းလာပါတော့တယ်။

၁၉၉ဝ ရွေးကောက်ပွဲရလဒ်ကို အကောင်အထည် ဖော်၊ မဖော်ကို ဒေါ်စုနဲ့
စစ်ဗိုလ်ချုပ်တွေ စကားပြောရမယ်လို့ တောင်းဆိုတယ်။ စကားမပြောဘူး။
ဒေါ်စုအပေါ် ပုဂ္ဂိုလ်ရေးအရ အာဃာတတွေရှိတာကြောင့်လည်း ဖြစ်မယ်။ သာမန်အရပ်သား
နိုင်ငံရေးသမားနဲ့ စကားပြောပြီး အပေးအယူလုပ်မှ အခြေအနေတွေ
ပြေလည်မယ်ဆိုတာကို စစ်ဗိုလ်ချုပ်တွေက မယုံကြည်တာလည်း ဖြစ်မယ်။

အတိုချုပ်ကတော့ ကုလသမဂ္ဂ မကလို့ ဘယ်သူပဲ ဖိအားပေးပေး ဒီစကားပြောတဲ့ကိစ္စ
နောင်ကိုလည်း လုပ်ဖို့ အခွင့်အလမ်း သိပ်နည်းပါတယ်။ တောင်အာဖရိကဖြစ်ရပ်ကို
စိတ်ကူးယဉ်နေလို့ကတော့ အခြေအနေတွေ ပိုဆိုးသွားဖို့ပဲ ရှိပါတယ်။

ဆိုတော့ ဗိုလ်ချုပ်ကြီးသန်းရွှေနဲ့ ဒေါ်စုတို့ကြား တနည်းပြောရရင်
အာဏာလက်ရှိ စစ်တပ်နဲ့ အာဏာလက်မဲ့ ဒီမိုကရေစီရေး အင်အားစုကြားက ပဋိပက္ခဟာ
လက်တွေ့ကျကျ စဉ်းစားကြည့်ရင် ဒီပြသနာဟာ လွယ်လွယ်ကူကူ ပြေလည်စရာမရှိဘူး။
နောက်ထပ် အနှစ် ၂ဝ ထပ်ကြာသွားနိုင်တယ်ဆိုတာ ကျန်ခဲ့တဲ့ အတိတ်ကိုကြည့်ပြီး
ခန့်မှန်းရင် လွယ်တယ်။ အရက်စက်ဆုံးသော အမှန်တရားက ဒါပဲ။

နိုင်ငံရေးအကျဉ်းသားတွေ အကုန်အစင် ပြန်လွှတ်ရမယ်၊ ဒေါ်စုကိုလည်း
ပြန်လွှတ်ရမယ်၊ ပြီးရင် ဒေါ်စုဦးဆောင်တဲ့ အန်အယ်ဒီပါတီနဲ့ လက်ရှိ
စစ်ခေါင်းဆောင်တွေ စကားပြောပြီး အပေးအယူလုပ်ရမယ်၊ ပြီးရင်
တယောက်တဝက်ပဲဖြစ်ဖြစ် တယောက်တည်းက အကုန်လုံးပဲဖြစ်ဖြစ် အာဏာယူပြီး
ဒီမိုကရေစီနိုင်ငံ ထူထောင်ရမယ်၊ ပြည်ပရောက်တွေ အကုန် မြန်မာပြည်
ပြန်လာခွင့်ရမယ်။ စီးပွားရေးပိတ်ဆို့ထားတာတွေ ရပ်ဆိုင်းရမယ်၊
တိုင်းပြည်ထူထောင်ဖို့ နိုင်ငံတကာက ငွေကြေး၊ နည်းပညာ၊ လူအားနဲ့
အကုန်ထောက်ပံ့ရမယ် .... စသဖြင့် ဒီအချက်တွေဟာ တခုမှ ဖြစ်မလာဘူးဆိုရင်
ဘာလုပ်မလဲ။

ကုလသမဂ္ဂကို ဒေါသလှည့်ထွက်လိုက်၊ အာဆီယံနဲ့ တရုတ်ကို အပြစ်တင်လိုက်၊
အိန္ဒိယနဲ့ ဂျပန်ကို စိတ်ဆိုးလိုက် နောက်ဆုံးတော့ စစ်တပ်ကို လက်ညှိုးထိုး
...။ ဒီပြဇာတ်တွေဟာ အသေအချာ ရေတွက်ထားတာ မဟုတ်တောင် အဖန်တလဲလဲ
ကခဲ့ရတာကတော့ သေချာတယ်။ မြန်မာပြည်က ပြည်သူတွေရဲ့ဘဝက ပိုပြီး
ထောင်းထောင်းကျေပြီး တိုင်းပြည်အနာဂတ် ပိုမဲ့လာတာပဲ ရှိတယ်။

၂ဝ၁ဝ ရွေးကောက်ပွဲအတွက် အချိန်နီးလာတာနဲ့အမျှ ပြည်ပရောက်တွေရဲ့
ဆန့်ကျင်ရေး လေသံတွေက ပိုပြီး ကျယ်လောင်လာတယ်။ ဒီလိုအော်မှ
ဒီမိုကရေစီရေးလုပ်တာလို့၊ ယုံကြည်ချက် ခိုင်မြဲတာတို့နဲ့
လိပ်ပြာသန့်ချင်နေကြပုံ ရတယ်။ ထောင်ကျတန်းကျ လုပ်ဖော်ကိုင်ဘက်တွေအပေါ်
သစ္စာမဖောက်ဘူးဆိုတာကို ပြချင်ပုံရတယ်။

လူနာတယောက်ကို ဆရာဝန်တယောက်က ခင်ဗျားမှာ သွေးကင်ဆာရောဂါရှိနေတာ
ရာခိုင်နှုန်း အတော်များတယ်လို့ ပြောလိုက်ရင် အဲဒီလူနာ
ဘာပြန်ပြောမယ်ထင်လဲ။ ဟုတ်ကဲ့ပါဆရာ၊ ကျနော်သိပါတယ်လို့ ပြန်ဖြေမယ်များ
ထင်မိရင်တော့ လွဲမှာပဲ။ ဘယ်ရမလဲ။ ဒီမှာဆရာဝန် ခင်ဗျားပြောတာ မယုံဘူး။
ကျနော့်ကိုယ်ကျနော် သိတယ်။ ဒီရောဂါရှိတာ မဖြစ်နိုင်ဘူးလို့ လူနာ (၉၉ %) က
ပြန်ဖြေမှာပဲ။ ကြိုက်ကြိုက်၊ မကြိုက်ကြိုက် ... ရှောင်လို့မရတဲ့
အမှန်တရားအပေါ် ရုတ်တရက်တော့ လူတိုင်းက ငြင်းကြပါတယ်။ ငြင်းဆန်တဲ့
ကာလကလည်း ကြာတတ်ပါတယ်။

ဒီကင်ဆာနဲ့ သေရမယ့်အချိန် နီးကပ်လာတော့မှ လူနာက မဖြစ်မနေ အခြေအနေတခုကို
လက်ခံရပါတယ်။ အဲဒီအတွက် ဒီလူနာဟာ အကျိုးမဲ့၊ အချိန်ဖြုန်းခဲ့ပြီး
သေဖို့အတွက် ဘာတခုမှ မပြင်ဆင်ခဲ့ဘူး။

မြန်မာပြည်အရေးအတွက် အမေရိကန်ဦးဆောင်ပြီး ကုလတပ်တွေနဲ့ မြန်မာပြည်
ဝင်သိမ်းပေးမှာလည်း မဟုတ်ဘူး။ (၂ဝ၁ဝ ရွေးကောက်ပွဲ မတိုင်ခင်မှာ) ၁၉၈၈
ခုနှစ်ကလို ဒီမိုကရေစီ အရေးအခင်းကြီးလည်း ထပ်မပေါ်လာနိုင်တော့ဘူး၊ (၂ဝ၁ဝ
ရွေးကောက်ပွဲ မတိုင်ခင်မှာ) လုံခြုံရေးကောင်စီကလည်း အရေးယူနိုင်တဲ့
အခြေအနေမှာ မရှိဘူး၊ (၂ဝ၁ဝ ရွေးကောက်ပွဲ မတိုင်ခင်မှာ) ဒေါ်စုနဲ့
စစ်တပ်ကြား စစ်မှန်တဲ့ တွေ့ဆုံဆွေးနွေးရေး ပေါ်လာဖို့ မဖြစ်နိုင်ဘူး၊
(၂ဝ၁ဝ ရွေးကောက်ပွဲ မတိုင်ခင်မှာ) အာဆီယံနဲ့ တရုတ်က မြန်မာပြည်ကို
အရေးယူမယ့် အခြေအနေ လုံးဝမရှိဘူး၊ (၂ဝ၁ဝ ရွေးကောက်ပွဲ မတိုင်ခင်မှာ)
ဒေါ်စုလည်း အချုပ်အနှောင်က လွတ်လာဖို့ မရှိဘူး၊ (၂ဝ၁ဝ ရွေးကောက်ပွဲ
မတိုင်ခင်မှာ) မြောက်ကိုရီးယားနဲ့ စပ်လျဉ်းပြီး မြန်မာကို
အရေးယူမယ့်ကိန်း မရှိဘူး၊ (၂ဝ၁ဝ ရွေးကောက်ပွဲ မတိုင်ခင်မှာ) .....

ရွေးကောက်ပွဲမှာ ဒီမိုကရေစီအင်အားစုတွေက ဆန့်ကျင်ကြပြီထား။ ပြည်သူတွေက
ဘယ်သူ့ကို မဲပေးရမှာလဲ။ ဒီတော့ လွှတ်တော်အမတ်နေရာတွေ ဝင်လျှောက်ကြမယ့်
ကြံ့ဖွတ်တွေ၊ စွမ်းအားရှင်တွေကိုပဲ မဖြစ်မနေ မဲပေးရမယ့်အပေါက်
ဆိုက်နေပြီ။ ဒီလိုလုပ်မယ့်အစား လူထုအတွက် စွမ်းအားရှင်ထက်၊
ကြံ့ဖွတ်ထက်သာတဲ့ သူတွေကို ကြိုတင်ရွေးချယ်ပြီး လူထုကိုယ်စားလှယ်လုပ်ပြီး
ဝင်ပြိုင်စေတာက ပိုပြီး အကျိုးမရှိစေဘူးလား။

ရွေးကောက်ပွဲဆန့်ကျင်တာက နအဖ ဆန့်ကျင်တာပဲဆိုတဲ့ အတွေးမျိုးရှိရင်၊
ဆိုးရွားတဲ့ အခြေအနေအောက်က လူထုကို သက်သာရာရစေမယ့် အနေအထားမျိုး
ရွေးချယ်ပေးတာက တိုင်းပြည်မျက်နှာ ကြည့်ရာ မရောက်ဘူးလား။

ရွေးကောက်ပွဲကို ထောက်ခံတာဟာ စစ်အစိုးရကို ထောက်ခံတာနဲ့ မတူဘူးဆိုတာ
နည်းဗျူဟာအရ အသေအချာ စဉ်းစားသင့်ပါတယ်။ ဒီမိုကရေစီအင်အားစုတွေဘက်က
ကြည့်သလိုပဲ စစ်တပ်ဘက်ကလည်း မြန်မာပြည်က ဘက်နှစ်ဘက်ရဲ့ ပဋိပက္ခဟာ ဘယ်ကိုမှ
မရွေ့ဘူးဆိုတာကို လက်ခံကြပုံ ပေါ်ပါတယ်။

ဒီတော့ ဒီရွေးကောက်ပွဲဟာ လက်ရှိရှိနေတဲ့ နိုင်ငံရေး
အခင်းအကျင်းဟောင်းကြီးကို ခဝါချလိုက်နိုင်ရင် အခင်းအကျင်းသစ်တခုကို
ဖန်တီးနိုင်မယ်လို့ ယူဆဖို့ လိုပါတယ်။ ဒီမိုကရေစီရေး လှုပ်ရှားသူတွေ၊
နိုင်ငံရေးဖြစ်စဉ်ထဲ ပါဝင်ချင်သူတွေက ၂ဝ၁ဝ ရွေးကောက်ပွဲကနေတဆင့်
လွှတ်တော်ထဲ၊ အုပ်ချုပ်ရေး ယန္တရားထဲ ဝင်ရောက်နိုင်ရင် ပိုပြီးလက်တွေ့ကျတဲ့
အပေးအယူလုပ်နိုင်ပါမယ်။ ဟုတ်ပါ့မလားဆိုတဲ့ မေးခွန်းထုတ်လာရင်တော့
ဒီအတိုင်း ထိုင်နေလို့တော့ ပြည်သူအတွက် ဘာကောင်းလာမလဲ ဆိုတာကိုသာ
ပြန်မေးရမှာပဲ။ ဒီလို အပင်ပန်းခံပြီး လုပ်ရမယ့် လူထုအကျိုးအတွက်
လုပ်ရမယ့် နိုင်ငံရေးမျိုးကိုတော့ အားမပေးဘူး၊ သံရုံးရှေ့ဆန္ဒပြတာတွေကသာ
ပိုပြီး အဆင်ပြေတယ်ဆိုရင်တော့ ဟုတ်ပါ့မလား မေးခွန်းကို ပြန်ဖြေစရာ
မလိုပါဘူး။

နောက်တခုက ဒီရွေးကောက်ပွဲထဲမှာ စစ်တပ်ဘက်နဲ့ ဒေါ်စုဦးဆောင်တဲ့
ဘက်နှစ်ဖက်စလုံးက မဟုတ်တဲ့ကြားက အင်အားစုတွေ ပေါ်ထွက်လာစေဖို့
အားပေးသင့်ပါတယ်။ ကြားအုပ်စုတွေ မပေါ်နိုင်အောင် ဖန်တီးမယ်ဆိုရင် ယခင်မူလ
ပဋိပက္ခဟောင်းဆီကိုပဲ ပြန်ဦးတည်သွားပါမယ်။ ဒေါ်စုကို ထောက်ခံတယ်လို့
အော်တိုင်း ဒီမိုကရေစီအရေး လုပ်နေတယ်လို့ မပြောနိုင်ပါဘူး။
ဒေါ်စုကြိုးပမ်းနေတဲ့ ဒီမိုကရေစီရေးကို တကယ်ယုံကြည်ပြီး
ကိုယ့်အားကိုယ်ကိုးပြီး ကိုယ့်တာဝန်ကိုယ်ယူတာက ဒေါ်စုကို
တကယ်ထောက်ခံတာလို့ ပြောနိုင်ပါတယ်။

အဖြေကတော့ လက်တွေ့ကျကျ ဘာဆက်လုပ်ကြမလဲဆိုတာပါပဲ။ ၁၉၈၈ မှာ မွေးခဲ့တဲ့
ကလေးတွေဆို အခု ၂၁ နှစ်ရှိပြီ။ သူတို့က မြန်မာပြည် ၂၁ နှစ်အတွင်း
ဘာ့ကြောင့်မပြောင်းလဲနိုင်ခဲ့တာလဲလို့ မေးလာခဲ့ရင် ပြည်သူအတွက်
သတ္တိရှိရှိ မှန်ကန်တဲ့နည်းနဲ့ လက်တွေ့ကျတဲ့ နိုင်ငံရေးကို မလုပ်ခဲ့ဘဲ၊
အာဏာမယူရဲခဲ့လို့လို့ ဖြေလိုက်ကြပါ။ ဘာဖြစ်လို့လဲဆိုတော့ အဲဒါက ရက်စက်တဲ့
အမှန်တရား ဖြစ်နေလို့ပါပဲ။ ။

(နေသန်မောင်သည် ယခင်က သတင်းအယ်ဒီတာအဖြစ် တာဝန်ယူခဲ့သူဖြစ်ပြီး၊ ယခုအခါ
အမေရိကန် ပြည်ထောင်စု မြောက်ကာရိုလိုင်းနား တက္ကသိုလ်တွင် ရုပ်ရှင်၊
ဗီဒီယို ထုတ်လုပ်ရေးနှင့် နိုင်ငံရေးသိပ္ပံ ဘာသာရပ်များ သင်ယူနေသူ
ဖြစ်သည်။)

လူ့တန်ဖိုး

ရေးဖြစ်ခဲ့သော မြားနတ်မောင် တာဝန်ခံအယ်ဒီတာစကား (၇)
လူ့တန်ဖိုး
ဒေါက်တာလွဏ်းဆွေ

အသက်ရှင်နေထိုင်ရခိုက်တွင် လူတိုင်း တန်ဖိုးထားမှု ကိုယ်စီရှိကြမြဲဖြစ်သည်။

တချို့က ငွေကို တန်ဖိုးထားကြသည်။ ဘ၀တွင် ငွေရှိလျှင် အရာရာ ပြီးပြည့်စုံပြီဟု ထင်မှတ်ကြသည်။ ထို့အ တွက် မိမိ တန်ဖိုးထားသည့် ငွေကို နည်းမျိုးစုံဖြင့် သဲကြီးမဲကြီး ရှာဖွေကြသည်။ ငွေကို တဖျတ်ဖျတ် ရေတွက် နေရလျှင် ပျော်မဆုံး မော်မဆုံး ရှိကြသည်။ သို့သော် ရှာဖွေထားသည့် ငွေကို မိမိနှင့် မိသားစုအကျိုးစီးပွားအ တွက်သာ အသုံးပြုကြသည်က အများစုဖြစ်သည်။

တချို့ကတော့ ပညာကို တန်ဖိုးထားကြသည်။ မိမိ တန်ဖိုးထားသည့် ပညာကို ဘ၀၏ အချိန်အတော်များများ မြှုပ်နှံကာ ကြိုးစားပမ်းစား ရှာဖွေသင်ယူကြသည်။ သို့သော် ရှာဖွေထားသည့် ပညာကို မိမိနှင့် မိသားစုအကျိုး စီးပွားအတွက်သာ အသုံးချကြသည်က အများစုဖြစ်သည်။

လူနည်းစုဖြစ်သော တချို့ကတော့ အမှန်တရားနှင့် ဂုဏ်သိက္ခာကို တန်ဖိုးထားကြသည်။ ထိုသူများသည် ဆင် ခြင်တုံတရားဖြင့် လောကကိုကြည့်မြင်ပြီး မိမိအကျိုးစီးပွားထက် မိမိနေထိုင်ရာ လူ့အဖွဲ့အစည်း၏ အကျိုးစီးပွား မြင့်မားတိုးတက်ဖို့ကို ပို၍တန်ဖိုးထားကြသည်။ ထို့အတွက် တထောင့်တနေရာမှ ပါဝင်ဖြည့်ဆည်းနိုင်ဖို့ လိုအပ် သည့် ငွေနှင့် ပညာကို တရားနည်းလမ်းကျကျ ချင့်ချင့်ချိန်ချိန် ရှာဖွေကြသည်။ ထိုရှာဖွေထားသည့် ငွေနှင့် ပ ညာကို မိမိအကျိုးစီးပွားထက် မိမိနေထိုင်ရာ လူ့အဖွဲ့အစည်း၏ အကျိုးစီးပွားအတွက် အသုံးပြုကြသည်။ စွန့် လှူကြသည်။ ပေးဆပ်ကြသည်။ အသိတရားရှိရှိ ပါဝင်လုပ်ဆောင်ကြသည်။

ဤနေရာတွင် ကွယ်လွန်သူ ဆရာဗန်းမော်တင်အောင်၏ “လူ့တယောက်ရဲ့တန်ဖိုးကို သူ ဖြတ်သန်းကျော် လွှားနေတဲ့ ခေတ်ကြီးက သူ့ပခုံးပေါ်တင်ပေးလိုက်တဲ့ သမိုင်းပေးတာဝန်ကို သူ ဘယ်လောက်သယ် ပိုးထမ်းဆောင်နိုင်ခဲ့တယ်ဆိုတဲ့ အချက်နဲ့တိုင်းတာရမှာပဲ” ဟူသည့်စကားတခွန်းကို သတိရမိသည်။ တန် ဖိုးထားလေးစားမိသည်။

အချုပ်အားဖြင့် ဘ၀၏ အသက်ရှင်နေထိုင်မှုတွင် ကျနော်တို့သည် တဦးချင်းစီအနေဖြင့် ကိုယ့်တန်ဖိုးထားမှုကို ကိုယ်မှန်သည်ထင်ကြသော်လည်း လူ့အဖွဲ့အစည်းက လူတဦးချင်းစီပေါ်သို့ ပြန်လည်သတ်မှတ်သည့် တန်ဖိုး တွင်မူ လူ့အဖွဲ့အစည်းပေါ် ကောင်းကျိုးပြုခဲ့သည့် ပမာဏအနည်းအများအလိုက် တန်ဖိုးအနိမ့်အမြင့် ကွာခြား နေကြမည်သာ ဖြစ်ပေသည်။ ။

(မြားနတ်မောင်မင်္ဂလာမဂ္ဂဇင်း၊ အောက်တိုဘာလ၊ ၁၉၉၇ ခုနှစ်)
Posted by ဒေါက်တာလွဏ်းဆွေ

အာဇာနည်ခေါင်းဆောင်ကြီးများအားဂါရဝပြုဦးညွှတ်လျှက်

General Aung San Or Our Hero.

ဒေါ်စုမွေးနေ့အမှတ်တရ ဗဟိန်းတင်ရဲ့ကဗျာလေးထပ်ဆင့်မျှဝေလိုက်ပါတယ်။

"မတရားတော့ ဘူးနော်"

တချို့ ကတော့ နေကောင်းပါစေတဲ့
တချို့ ကတော့ စိတ်ချမ်းသာ ပျော်ရွှင်ပါစေတဲ့... ... See More
တချို့ ကတော့ အသက် ရာကျော်ရှည်ပါစေတဲ့
တချို့ ကတော့ အမြန်လွတ်မြောက်နိုင်ပါစေတဲ

့
တချို့ ကတော့ ......
တချို့ က ............. ။ ။

ကျနော်ကတော့ဗျာ
ဆယ်စုနှစ် တခု ကျော် နှစ်ခု နီးပါး
အမေ့ မေတ္တာ ငတ်နေရရှာတဲ့
အမေပျောက်နေတဲ့ သားငယ် နှစ်ယောက်
တခါမှ သူမ ချီပွေ့ ခွင့်မရနိုင်သေးတဲ့ မြေးငယ်တွေနဲ့ 
အမြန်ဆုံး တွေ့ ခွင့်
အမေတယောက်ရဲ့ မေတ္တာ လွှမ်းခြုံ ပေးခွင့် ရ နိုင်ပါစေ လို့  ..................။

တကယ်တော့
ခင်ဗျားတို့ ရော ကျနော်ရော
မြန်မာပြည်သူပြည်သားတွေရော
ဒီ ၆၅ နှစ် မိန်းမအို တယောက်အပေါ်
ကီလို ပေါ် ကီလို ဆင့်
ထပ်၍ ထပ်၍ တင်ပေးနေကြတဲ့ တာဝန်တွေ
ဂုဏ်ရည်မတူ ဓါတ်ရှင်ထဲမှာ
သုခ ....... ညီမငယ် မေရှင် ကိုပြောသလို
"နင်မတရား တော့ ဘူးနော်"
သြော် မတရားတော့ ဘူးနော်...............
ကျနော် တို့  ခင်ဗျားတို့  မတရားတော့ဘူးနော် ။ ။

ခင်ဗျား အမေ ...... ကျနော့ အမေ ဒီအရွယ်ဆို
တကယ်တော့လည်း
သူမ ဟာ ၆၅ နှစ်။ ။

ဗဟိန်းတင် (၁၉ ဇွန် ၂၀၁၀)

Daw Aung San Su Kyi 65th Birthday

 လူထုခေါင်းဆောင် ဒေါ်အောင်ဆန်းစုကြည်၏ ၆၅နှစ်မြောက် မွေးနေ့ ချီတက်ဆန္ဒပြပွဲနှင့် မွေးနေ့  ဖယောင်းတိုင်ထွန်းပွဲ
ဂျာမဏီရောက် မြည်မာပြည်ဖွားတိုင်းရင်းသားညီ

အကိုများခင်ဗျား....... ကျွန်တော်တို့ အမိမြန်မာနိုင်ငံတော်၏ ကိုယ်ကျိုးကြည့် စစ်အာဏာရှင်အစိုးရ လက်အောက်မှ လွတ်မြောက် ရေး၊ အမိမြန်မာနိုင်ငံတော်ကြီးတွင်ဒီမိုကရေစီ လူ့ အခွင့်အရေးစနစ် ပီပီပြင်ပြင် ထွန်းကားရေး အတွက် မြန်မာ ပြည်အနှံ့ အပြား စစ်အကျဉ်းထောင်အသီးသီးတွင် ညှင်းပန်း နှိပ်စက်မှူမျိုးစုံအောက်မှ ယနေ့ အချိန်အထိ အမိ မြန်မာပြည် အပေါ် သစ္စာရှိရှိ တိုက်ပွဲဝင် လျက်ရှိနေကြသော မျိုးချစ်သူရဲကောင်းများနှင့် နှစ် ပေါင်းများစွာ နေ အိမ် အကျယ် ချုပ်ဖြင့် အမိမြန်မာပြည်အရေး ငြိမ်းချမ်းစွာ စေ့စပ်ဆွေးနွေးမှူဖြင့် အဖြေရှာရေးကို တောင်းဆိုနေ သော လူထုခေါင်းဆောင် ဒေါ်အောင်ဆန်းစုကြည်၏ (၆၅)နှစ်မြောက် မွေးနေ့ ကိုဂုဏ်ပြုလျက် မြန်မာ ရေး ရာဌာန (ဂျာမဏီ) နှင့် တိုင်းရင်းသားညီအကိုမောင်နှမများမှ အောက်ပါအစီအစဉ် အတိုင်း ချီတက်ဂုဏ်ပြု ပြီးဆန္ဒပြကြမည်ဖြစ်ပါ၍ မြန်မာ့အရေးအတွက် အလေးအနက်စိတ်ဝင်စားသူ မည်သူမ ဆို ပါဝင်ဆင်နွှဲကြရန် တိုက်တွန်းနှိုးဆော် ဖိတ်ခေါ် အပ်ပါသည်။

  * အချိန်။ ။၁၉.၀၆.၁၀(စနေနေ့ )

၁၃း၀၀ မှ ၁၆း၃၀ အထိ

  * နေရာနှင့် အစီအစဉ်။ ။Frankfurt Hauptbahnhof ရှေ့ 

Basaler Platz မှချီတက်၍ Goethe Platz တွင် မွေးနေ့  ဖယောင်းတိုင် ထွန်းညှိကာ ဒေါ်အောင်ဆန်းစုကြည် ကိုယ်တိုင်ရေးထားသောကဗျာနှင့်ဓာတ်ပုံပို့ စကဒ်များ ဖြန့်  ဝေပါမည်။

  * ဆက်သွယ်ရန်။ ။ကိုအောင်သူ(02212053974)၊ကိုသန်းစိုး (01733418195)၊

ကိုစောစိုးနေ၀ါး (015207370974)၊ ကိုလှမြင့်စိုး(01748509485) ကိုမင်းမင်း(01742998635)

အတူတူရှိကြစို့

ကျွန်တော်က ခင်ဗျားတို့နဲ့မတူဘူး
ကျွန်တော်က သက်မဲ့ စာမျက်နှာများ
ကျွန်တော်က ခင်ဗျားတို့ အတွက်ကစားကွင်း
ကျွန်တော်က ခင်ဗျားတုိ့ ခေတ်မှာ
ခင်ဗျာတို့စနက်ကြောင့်ပေါ်လာတဲ့
ကွန်ရက်ထဲက အိမ်လေးတစ်ခု
တူတာ တစ်ချက်က ခင်ဗျားရော
ကျွန်တော်ပါ အသျှင်မြတ်ရဲ့ ဖန်ဆင်းခံ။

ကျွန်တော့်ကို ခင်ဗျားတို့တစ်တွေ
တစ်ယောက်တစ်ခု တစ်ယောက်တစ်မျိုး
လုပ်လာလိုက်ကျတာ ခုအခြေအနေထိပေါ့
နေ့တိုင်းနေ့တိုင်း တစ်ယောက်ဝင်လာလိုက်
ကျွန်တော့်စာမျက်နှာတွေကို click သွားလိုက်နဲ့
ခင်ဗျားတို့တွေအိပ်သွားချိန်တောင်
ကျွန်တော့်မှာမအိပ်နိုင် မနားနိုင်လေ
ဒါပေမယ့်ကျွန်တော်ပျော်ပါတယ်။
အနောက်ကမ္ဘာကတစ်မျိုးရေး
အရှေ့ကမ္ဘာကတစ်မျိုးတင်နဲ့
ကျွန်တော်ပျော်ပါတယ်။

တစ်ခါတစ်လေတော့ခင်ဗျားတို့
ကျွန်တော့်ပေါ်မှာ ပြဿနာဖြစ်ကြတာတွေ
ရန်ဖြစ်ကြတာတွေ လုပ်ကြတယ်
တစ်ယောက်က ဟိုဟာရေးလိုက်
တစ်ယောက်က ဒီဟာရေးလိုက်နဲ့
နောက်ဆုံး ကျွန်တော့်နာမည်ကိုင်တုတ်ပြီး
ကျွန်တော့ကို လိုင်းကြောင်လို့ အော်သူကအော်
ကောင်းတယ်လို့ အားပေးသူက အားပေးနဲ့
ကျွန်တော် ၀မ်းနည်းလာတာပေါ့။

ကျွန်တော်ကိုယ်တိုင်ဘာမှမလုပ်နိုင်ဘူးလေ
ခင်ဗျားတို့(လူ)တွေပဲ ကျွန်တော့်ကို
စိတ်ကြိုက်လုပ်နေတာလေ။
ုကျွန်တော်ပျော်ပါတယ်
ခင်ဗျားတို့တွေ စည်းစည်းလုံးလုံးနဲ့
ကျွန်တော့်ပေါ်မှာရှိနေရင်
ုကျွန်တော်ပျော်ပါတယ်။

ခင်ဗျားတို့အားလုံး
ကျွန်တော့်ပေါ်မှာ
မွတ်စလင်ထုအတွက် လုပ်တာလေးတွေတွေ့ရတော့
ကျွန်တော်အံသြ လေးစားမိတယ်
ကျွန်တော့်ပေါ်မှာ
ခင်ဗျားတို့ အလ္လာဟ့်အိမ်တော်ပုံလေးတွေ
စုစည်းမှတ်တမ်းလေးလုပ်တော့
ကျွန်တော်ပျော်လိုက်ရတာ
ကျွန်တော့်ပေါ်မှာ
ဘာသာရေးအတွက် software လေးတွေလုပ်တော့
ုကျွန်တော်ဂုဏ်ယူလိုက်ရတာ

စူးစမ်းစိတ်နဲ့ ငယ်ရွယ်နုနယ်တဲ့ခင်ဗျားတို့တစ်တွေ
သန်းနဲ့ချီရှိနေတဲ့ ညစ်ညမ်း web site တွေ
ညစ်ညမ်းသူတွေနဲ့ ဆက်သွယ်ရောပြွမ်းမနေဘဲ
ကျွန်တော့်ပေါ်မှာ ရှိနေတာကို
ုကျွန်တော်မပျော်ရဘူးလား
ုကျွန်တော်ဂုဏ်ယူမိတာမှားလား။

နည်းပညာတွေပြောင်း
လူ့စရိုက်တွေပြောင်း
နေ့စဉ် လှုပ်ရှားမူပုံစံတွေပြောင်း
ယဉ်ကျေးမူတွေ ရောထွေးကူး
ရုပ်ဝတ္ထုတိုးတက်တဲ့ နိုင်ငံကို
ဆင်းရဲတဲ့ နိုင်ငံသားတွေက အားကျ
ချမ်းသာတဲ့ လူတွေကို
ဆင်းရဲတဲ့ လူတွေကအားကျ
နိုင်ငံကြီးက နိုင်ငံငယ်ကိုဝါးမြိုချ
ဘာတွေဘယ်လိုပြောင်းပြောင်း
သန့်ရှင်း တည်ငြိမ် ရှင်းလင်းပြတ်သားတဲ့
သာသနာတော် မှာရှင်သန်ခွင့်ရထားကြတဲ့
ခင်ဗျားတို့နဲ့တွေ့ရတာ ကျွန်တော့်အတွက်
ကံကောင်းခြင်းဆုလာဘ်ပါ။

အရေခြုံထားတဲ့သူရော
ဖြူစင်တဲ့သူတွေရော
ဟန်ဆောင်နေတဲ့သူရော
ပွင့်လင်းရိုးသားသူတွေရော
အပြစ်ရှာနေတဲ့သူရော
ခွင့်လွတ်ကြင်နာတတ်သူတွေရော
ဆရာကြီးလုပ်ချင်တဲ့သူရော
လေ့လာသင်ယူချင်သူတွေရော
အားလုံး ကျွန်တော့်ထဲမှာရှိတာပေ့ါ
ဒီလိုအလွှာစုံ အရောင်စုံတွေကြားမှာ
ခင်ဗျားတို့(လူသား)ရဲ့ စရိုက်တစ်ခုဖြစ်တဲ့
ပြဿနာရှာခြင်း ပြဿနာဖြစ်ခြင်းတွေက
မလွတ်နိုင်ဘူးဆိုတာ ကျွန်တော် နားလည်လာပြီလေ။

ဒါပေမယ့် တည်ငြိမ်အေးချမ်းပြီး
တစ်ယောက်နဲ့တစ်ယောက် ဖေးမကူညီနေကြရင်
စည်းလုံးပျော်ရွှင်နေကြရင်
ခင်ဗျားတို့ မျက်နှာတွေကိုကြည့်ပြီး
ကျွန်တော့်ရင်မှာ အေးမျှခြင်းအတိနဲ့
ပီတိဖြာရတယ်လေ။
ခင်ဗျားတို့ တပ်မက်ဂုဏ်ယူစွာလေ့လာသင်ယူထားသမျှ
ဘာသာရေးနဲ့ ခေတ်ပညာ အသိဥာဏ်တွေကို
ဒီနေရာမှာ ရဲရဲမျှဝေလိုက်
တစ်နေရာမှာအစားပြန်ရမှာပေါ့။


ကျွန်တော့်လို ကွန်ရက်ထဲကအိမ်လေးတွေ
တစ်ခုပြီးတစ်ခုပေါ်လာတာ
ကျွန်တော်ပျော်ပါတယ်
ကျွန်တော်နဲ့ဘ၀တူ ကျွန်တော့်ရဲ့ညီအကိုမောင်နှမတွေ
ရှင်သန်ပေါက်ဖွား လာတာပေါ့။
ခင်ဗျားတို့ ကျွန်တော်တို့ ညီအကိုမောင်နှမကြားမှာ
သွေးမခွဲနဲ့လေ။
မပြိုင်ဆိုင်ကြနဲ့လေ(မကောင်းတဲ့နေရာမှာ)
တစ်ပါးသူတို့ရဲ့သာသနာကို ဖျက်လိုဖျက်စီး
တိုက်ခိုက်ရန်လိုစိတ်မရှိပေမယ့်
သူတို့ထဲက တစ်ချို့ ခင်ဗျားတို့သာသနာကို စော်ကားလာရင်
တန်ပြန်ကာကွယ်ဖို့ ခင်ဗျားတို့သက်လုံကောင်းပြီလား
ခင်ဗျားတို့ချင်း ညီညွတ်ရိုင်းပင်းနေကြပြီလား

ကမ္ဘာသည်ဆက်ပြီးလည်နေသည်
ခေတ်သည် ဆက်ပြီးစီးဆင်းပြောင်းလဲနေသည်
ရုပ်ဝတ္ထုတို့တစ်ခုပြီးတစ်ခုပေါ်လာလိုက်
ပျောက်သွားလိုက်နဲ့
ကျွန်တော်လည်းဘယ်အချိန်ပျောက်မယ်မသိ
ခင်ဗျားတို့အရင်လား ကျွန်တော်အရင်လား
ဘယ်သူမှတတ်အပ်မသိ။
ဘယ်သူမှမပျောက်ခင်ခဏ
ငြိမ်းချမ်းစွာ အတူတူရှိကြစို့။

Author: ကိုလတ်(တောင်ကြီး)
copy post by MMSY ( မြန်မာမွတ်စလင် ကျောင်းသားလူငယ်များ)
Visit MMSY at: http://mmsy.org/?xg_source=msg_mes_network

First Rohingya delegate visits US congress | Democratic Voice of Burma

First Rohingya delegate visits US congress | Democratic Voice of Burma

သမိုင်းပျောက်က ဇာတိပျောက်မည်၊ ဇာတိပျောက်က မျိုးချစ်စိတ်ပါ ပျောက်မည်

လူ ၏မျိုးရိုးဇစ်မြစ်

သုတေသနပြုချက်အရ လူ ၏ပင်ရင်းဇစ်မြှစ်အစစ်သည် အာဖရိကတိုက်မှစ၍ပေါ်ပေါက်လာကြောင်းသုတေသနရှင်အများစုကသဘောတူထားသည်။
လွန်ခဲ့သောနှစ်ပေါင်း ၁၀၀ ၀၀၀ နှင့် ၂၀၀ ၀၀၀ ကျော်ကြားတွင် လူ ၏မျိုးရိုးသည် ထိုအာဖရိကတိုက်မှ ကမ္ဘာအနှံ့သို့ပြန့်သွားခဲ့သည်။

လွန်ခဲ့သောနှစ်ပေါင်း ၄၀ ၀၀၀ ကျော်တွင် ပထမဦးဆုံး ဥရောပ၏ လူ မျိုးရိုးဇစ်မြှစ်သည်အာဖရိကမှဆင်းသက်လာခဲ့သည်။
နှစ်ပေါင်း ၁၄ ၀၀၀ ဝန်းကျင်တွင်ကမ္ဘာ၏မြောက်ပိုင်းမှ ရေခဲများပျော်ကျလာသောအချိန်၌ ယခု Scandinavian တွင် အာဖရိကတိုက်မှပထမဦးဆုံး လူသားများရောက်ရှိလာခဲ့သည်။

သုတေသနပညာရှင်အများစုမှတွေ့ရှိခဲ့သည်မှာ လူ ၏အစ မျိုးရိုးဇစ်မြှစ်သည် အာဖရိကတိုက်မှတစ်ဆင့် အရှေ့အလယ်ပိုင်းဒေသ (အာရပ်)သို့လည်းကောင်း၊ ဥရောပသို့လည်းကောင်း၊ အာရှသို့လည်းကောင်းရောက်ရှိလာပြီးနောက် လွန်ခဲ့သောနှစ်ပေါင်း ၄၀၀၀ တွင် ထိုအုပ်စုမှ အချို့အမေရိကတိုက်သို့ ခွဲထွက်ပြီးရောက်ရှိခဲ့သည်။

အာဖရိကတိုက်မှ Ethiopia မျိုးဆက်ကို “Lucy” ဟုသုတေသနပညာရှင်များကအမည်ပေးထားပါသည်။ သုတေသနပညာရှင်များ၏အဆိုအရ လူသားမျိုးနွယ်သည် “Lucy” မှတိုက်ရိုက်ဆင်းသက်လာခဲ့သည်။ ရှေးအကျဆုံးလူသားမျိူးနွယ်၏ကျောက်ဖြစ်ရုပ်ကြွင်းများကိုသုတေသနပြုလုပ်ရာ လူ ၏မျိုးရိုးဇစ်မြှစ်ဖြစ်သော Homo erectus နှင့် Homo sapiens တို့ကိုတွေ့ရှိခဲ့သည်။ Lucy မှ Homo erectus သို့တိုက်ရိုက်ဆင်းသက်ခဲ့ပြီး Homo sapiens, Homo sapiens neanderthalensis သို့တစ်ဖန် လူသားမျိုးနွယ်များဆင်းသက်ခဲ့သည်။ Homo erectus များသည်ကျောက်တုံးများကို လက်နက်အဖြစ်အသုံးပြုခဲ့သော ကျောက်ခေတ် လူများဖြစ်သည်။

မြန်မာနိုင်ငံအပါအဝင်၊ ဂျာဗားကျွန်းဆွယ်၊ တရုတ်၊ ဥရောပမှ မျိုးရိုးဇစ်မြှစ်တို့သည် လွန်ခဲ့သောနှစ်ပေါင်း ၁၁ ၀၀၀ ကျော်က Homo erectus မှဆင်းသက်လာကြသည်။ Homo erectus သည် မူရင်းမှာ အာဖရိက Ethiopia ကဆင်းသက်လာသောမျိုးနွယ်ဖြစ်သည်။

အဖရိကတိုက်မှ ရှေးအကျဆုံးလူသားများသည် ကမ္ဘာအနှံ့ပြန့်နှံ့သွားခဲ့ပြီးနောက် မိမိ နေထိုင်ရာဒေသ၊ အစားအသောက်၊ ရာသီဥတုတို့အပေါ်မှာ အခြေခံပြီး ရုပ်ဆင်းအင်္ဂါ၊ အသားအရောင်၊ အရပ်အမောင်းများပြောင်းလဲခဲ့ကြသည်။
ယနေ့ကမ္ဘာ့လူ့အိမ်ထောင်စုကြီးတွင် မှီခိုနေထိုင်နေကြသော လူများသည်တောင်ပေါ်မှာနေတဲ့လူ၊ မြေပြန့်မှာနေတဲ့လူ၊ ကျွန်းပေါ်မှာနေတဲ့လူ၊ အသားအရောင်၊ ကိုးကွယ်သည့်ဘာသာ၊ မိရိုးဖလာဓလေ့ထုံးတမ်း၊ ဘာသာစကားများမတူကြသော်လည်း အားလုံးသော လူ များသည် ကျောက်ခေတ် အာဖရိကမှ မျိုးနွယ်များဖြစ်ကြသည်။

လူ၏သဘာဝသည် ရေကြည်ရာမြက်နုရာသို့ရွှေ့ပြောင်းနေထိုင်တတ်သောကြောင့် ကမ္ဘာဦးလူအစမှ ယနေ့ထိတိုင် တစ်ရွာမှတစ်ရွာ၊ တစ်နယ်မှနောက်တစ်နယ်၊ တစ်နိုင်ငံမှ နောက်ထပ်နိုင်ငံများဆီသို့ ရွှေ့ပြောင်းနေထိုင်အသက်မွေးခဲ့ကြပါသည်။

Prehistory ခေတ်တွင် အာဖရိကမျိုးနွယ်များသည် ယနေ့မြန်မာနိုင်ငံတည်ရှိသောကုန်းမြေဒေသ ဧရိယာအတွင်းသိုိ့ ရောက်ရှိလာပြီးနောက်၊ Homo erectus နှင့် Homo sapiens များဖြစ်ကြသော တိဗက်၊ တရုတ်၊ ပါရှန်း၊ မွန်ဂိုလ်၊ အာရဗ်၊ အန္ဒိယ၊ မလေး၊ ထိုင်ဝမ်၊ ဂျပန် နှင့် ဩစတေးလျသားတို့ သည် ၁၂ ရာစုနှစ်၊ ၁၃ ရာစုနှစ်၊ ၁၄ ရာစု၊ ၁၇ ရာစု၊ ၁၈ ရာစု၊ အထူးသဖြင့် ပုဂံခေတ်၊ ညောင်ရမ်းခေတ်၊ ကုန်းဘောင်ခေတ်၊ ကိုလိုနီခေတ် များ၌ မြန်မာနိုင်ငံသို့ ကုန်းလမ်း၊ ရေလမ်းမှရောက်ရှိလာခဲ့ ကြသည်။ ထိုကူးလာကြသူများသည် ကုန်ကူး၍သော်လည်းကောင်း၊ စစ်ကြောင့်သော်လည်းကောင်းရောက်လာ
ကြသောလူများဖြစ်သည်။ ထို သူများသည် မူလနေရင်း တိုင်းရင်းသူ တိုင်းရင်းသားများနှင့် လူ့သဘာဝအလျောက် အိမ်ထောင်ကျခဲ့ကြသည်။

Prehistory ခေတ်မှမြန်မာနိုင်ငံ ဧရိယာသို့အရင်ရောက်နှင့်နေပြီဖြစ်သော ရှေးကျဆုံးလူသားမျိုးနွယ်များနှင့် နောက်မှရောက်လာသော လူများ၏မျိုးနွယ်များတို့ပေါင်းစပ်၍ မြန်မာနိုင်ငံသည် ဘာသာတရားများ၊ ယဉ်ကျေးမှုအမွေအနစ်များ၊ နည်းပညာများ၊ အစားအသောက်များ၊ သဘာဝအလှတရားများနှင့် ကမ္ဘာ့အလယ်တွင်ခန့်ညားသောနိုင်ငံတစ်နိုင်ငံဖြစ်ခဲ့သည်။

ခေတ်အဆက်ဆက်တိုင်းတွင် အမိမြန်မာနိုင်ငံအတွက် ဘာသာပေါင်းစုံ လူမျိုး ပေါင်းစုံတို့ နှင့်အတူ ပတ်
ဝန်းကျင်နိုင်ငံများနှင့် စစ်မက်ဖြစ်ပွားခဲ့ရာမှာသော်လည်းကောင်း၊ ဗြိတိသျှတို့၏ သုံးကြိမ်တိုင်တိုင် ကျူးကျော်မှုများကို ခုခံတွန်းလှန်ရာမှာသော်လည်းကောင်း၊ ဖက်ဆစ်ဂျပန်ကိုတော်လှန်ရာမှာသော်လည်းကောင်း၊ လွတ်လပ်ရေး ကြိုးပမ်းကြရာမှာသော်လည်းကောင်း ဘာသာပေါင်းစုံ လူမျိုး ပေါင်းစုံတို့ အညီအညွတ်ပေါင်းစည်းဆောင်ရွက်ခဲ့တာမှာ သမိုင်းမှာထင်ရှားခဲ့ပါသည်။

လူမျိုးရေး ဘာသာရေး နိုင်ငံရေးလှည့်ကွက် (အကျဉ်းချုပ်)

၁၉၄၈ - ၁၉၅၈ ကြားကာလ၌ ဦးနုသည်မြန်မာနိုင်ငံတော်ဝန်ကြီးချုပ်ဖြစ်ခဲ့သည်။၁၉၅၈ နောက်ပိုင်းတွင် မြန်မာနိုင်ငံရေးမှာ မငြိမ်မသက်ဖြစ်၍ ဗိုလ်ချုပ်နေဝင်းသည် အိမ်စောင့်အစိုးရအနေဖြင့် မြန်မာနိုင်ငံရေးစင်မြင့်ပေါ်သို့ ရောက်ရှိလာခဲ့သည်။

ဗိုလ်ချုပ်နေဝင်းသည်တပ်မတော်တွင် နံပတ် ၁ နေရာဖြစ်ပြီး ဗိုလ်မှူးချုပ်အောင်ကြီးမှာ တတ်မတော်၏ နံပတ် ၂ နေရာတွင်ရှိခဲ့သည်။ ဗိုလ်ချုပ်နေဝင်းသည်ထိုအချိန်ကာလတွင် အာဏာ၌မမြဲသေးပေ။ ဗိုလ်ချုပ်နေဝင်းသည် သူ့အာဏာမြဲရန်အတွက် နံပတ် ၂ နေရာတွင်ရှိသည့် ဗိုလ်မှူးချုပ်အောင်ကြီးကိုရာထူးမှ ဖြုတ်ချခဲ့သည်။

၁၉၆၂ - ၁၉၇၀ ကြားမှဗိုလ်ချုပ်နေဝင်း၏လုပ်ရပ်များ ၁၉၆၂ - ဗိုလ်ချုပ်နေဝင်းသည် အာဏာသိမ်းသည်။၁၉၆၄ - ပြည်သူပိုင်သိမ်းသည်။၁၉၆၈ နောက်ပိုင်းမှစ၍ စစ်တပ်မှ ခရစ်ယာန်၊ မူစလင်မ်၊ တရုတ် နှင့် အချို့တိုင်းရင်းသား ဗိုလ်မှူးကြီးများကို သံအမတ်အဖြစ်နိုင်ငံခြားသို့ပို့လိုက်သည်။ (တစ်နည်းပြည်နှင်ဒဏ်ပေးလိုက်ခြင်းဖြစ်သည်) သံအမတ်အဖြစ်နိုင်ငံခြားသို့အပို့ခံရသူများတွင် ဗိုလ်ချုပ်အောင်ဆန်း၏ဇနီး ဒေါ်ခင်ကြည်လည်းပါသည်။ သဘောမှာဗိုလ်ချုပ်နေဝင်း နေရာကို လုယူနိုင်မည့်သူများ သူ့အနားမှာမရှိရန်ဖြစ်သည်။

၁၉၇၀ နောက်ပိုင်းဗိုလ်ချုပ်နေဝင်းအာဏာခိုင်မြဲလာပြီး ၁၉၇၄ တွင်အခြေခံဥပဒေသစ်ရေးဆွဲခဲ့သည်။ ထိုဥပဒေအတည်ပြုသုံးပြီးနောက်ပိုင်းတွင် ဘာသာခြားများကိုစစ်တပ်မှ အသစ်လက်ခံခြင်းမရှိတော့ပါ။ ရှိနေသော ဘာသာခြားများကိုလည်း စစ်ရာထူးတိုးမြှင့်ပေးခြင်းမရှိတော့ပါ။ အခြေခံဥပဒေဆွဲပြီးနောက် မူဆလင်၊ ဟင်ဒူ၊ ပန်ချာပီ နှင့် အချို့တရုတ် တို့အား မြန်မာနိုင်ငံသားမပေးတော့ဘဲ ဧည့်နိုင်ငံသားအဖြစ်သတ်မှတ်ခဲ့သည်။

မှတ်ချက် : မျိုးဆက်တစ်ရပ်ကို သက်တမ်း(၇၀) ထားတွက်လျှင် ရှေးခေတ်မှမြန်မာနိုင်ငံသို့ပြောင်းရွှေ့လာခဲ့ကြသောတိုင်းတစ်ပါးသားတို့၏ မျိုးဆက်မှာ (၅)ဆက်ကျော်ရှိပြီဖြစ်သည်။ သိပ္ပံနည်းအရ မျိုးဆက်သုံးဆက်မှာ မူလဗီဇသွေး မရှိတော့ပါ။ ထို့ကြောင့် မျိုးဆက်သုံးဆက်နှင့် သုံးဆက်အထက်နေထိုင်ခဲ့သောမြန်မာပြည်ဖွားများသည် မြန်မာနိုင်ငံသားများသာဖြစ်သည်။
မဆလ - နအဖ စစ်အစိုးရ၏ မတရားသဖြင့်တိုင်းပြည်ကို နှစ်ရှည်လများ အာဏာသိမ်းထားသောကာလတွင်း၌ တိုင်းရင်းသားများနှင့်ထားရှိသော ကတိကဝတ်များ ချိုးဖောက်ခြင်း၊ လူမျိုးရေး ခွဲခြားခြင်း ဘာသာရေး နှိပ်ကွပ်ခြင်း၊ စီးပွါးရေးကျပ်တည်းခြင်းများဖြစ်၍ တိုင်းရင်းသားများမှ နယ်မြေခွဲထွက်ရေး သီးခြားအုပ်ချုပ်ရေးအတွက်တောင်းဆိုခဲ့ကြသည်။ မြန်မာ့တပ်မတော်နှင့် တိုင်းရင်းသားတို့ကြား ပြည်တွင်းစစ် အဖန်ဖန် အလဲလဲဖြစ်ပွါးခဲ့ရသည်။
ယနေ့မြန်မာနိုင်ငံသည် ဘာသာရေး၊ လူမျိုးရေး၊ နိုင်ငံရေး ပဋ္ဌိပက္ခ၊ စီးပွါးရေးကျပ်တည်းမှု၊ သစ်တောများပြုန်းတီး၍ရာသီဥတုဖေါက်ပြန်မှု၊ ပညာရေးချို့တဲ့မှု၊ ကျန်းမာရေး ချို့တဲ့မှု၊ လူ့အခွင့်အရေးဆုံးရှုံးမှုများနှင့် အစိတ်စိတ်အမွှာမွှာကွဲအက်နေပါသည်။
မြန်မာစစ်အစိုးရက ပြည်သူတစ်ရပ်လုံးကို အမှန်တကယ်ကောင်းစားစေချင်ရင်၊ တိုင်းပြည်ငြိမ်းချမ်းစေလိုလျှင် မိမိတို့လူတစ်စုချမ်းသာရုံတင်မဟုတ် မြန်မာတစ်မျိုးသားလုံးကိုခွဲခြားနှိပ်ကွပ်ခြင်းမရှိဘဲ လူ့အခွင့်အရေးပေး၍တိုင်းပြည် တိုးတက်ရာတိုးတက်ကြောင်းကြိုးပမ်းဆောင်ရွက်ရမည်။းဆောင်ရွက်ရမည်။
MANPOWER
မြန်မာလူ့ဘောင်အဖွဲ့အစည်းတစ်ရပ်လုံးလွတ်လပ်ရန်၊ တိုးတက်ရန်၊ ဒီမိုကရေစီရရန် MANPOWER လိုအပ်သည်။ ဗိုလ်ချုပ်အောင်ဆန်းသည်ဘာသာစုံနှင့်တိုင်းရင်းသားများကိုစည်းလုံးနိုင်ခဲ့ပြီးလွတ်လပ် ရေးကိုရယူခဲ့သည်ကိုပြန်လည်သတိရစေချင်ပါသည်။ လူတိုင်းမှာထူးခြားသော အရည်အချင်းကိုယ်စီရှိကြသည်။
ဥပမာ : လူမျိုးတစ်မျိုးတိုင်းဆီမှအရည်အချင်းတစ်ခုစီကိုထုတ်ပြလျှင်
မြန်မာလူမျိုးတို့သည်သတ္တိရှိကြသည်။မူဆလင်တို့သည် သစ္စာရှိကြသည်။ခရစ်ယာန်တို့သည် ညီညွတ်မှုရှိကြသည်။ တရုတ်တို့သည် စီးပွါးရေးကျွမ်းကျင်ကြသည်။
လူ့အရည်အချင်း၊ လူ့တန်ဖိုးကိုသိလျှင်၊ သုံးတတ်လျှင်တစ်နေ့မြန်မာနိုင်ငံသည် ကမ္ဘာ့အလယ်တွင်ခေတ်မှီတိုးတက်သောနိုင်ငံတစ်နိုင်ငံဖြစ်လာနိုင်မည်။ (Respect in humanity)
စင်ကာပူတွင် နိုင်ငံသစ်ထူထောင်ခဲ့စဉ်က ၎င်းတို့သည် လူမျိုးခြား၊ ဘာသာခြား၊ အသားအရောင်မတူကြသော်လည်း စည်းလုံးညီညွတ်ကြသည်။ MANPOWER သုံးပြီး အောင်မြင်ခဲ့ကြသည်။
DEVELOPMENT BASE ON KNOWLEDGE AND FOUNDATION
Foundation of human life
1) Beleif
2) Knowledge
3) Attitude
4) Practice
5) Status
တိုင်းပြည်အုပ်ချုပ်သော နိုင်ငံ့ခေါင်းဆောင်သည် ပညာ ကြွယ်ဝသူဖြစ်ရမည်။ အလိမ္မာစာမှာရှိ ဆိုရိုးလည်းရှိသည်။ သို့မဟုတ်လျှင်တိုင်းပြည် ဆင်းရဲသထက်ဆင်းရဲပြီး အနစ်နာဆုံးမှာမြန်မာပြည်သူများပင်ဖြစ်သည်။ ယခုလည်းမြန်မာနိုင်ငံသည် ၁၉၈၇ခုနှစ်မှစ၍ ကမ္ဘာ့အဆင်းရဲဆုံးနိုင်ငံများစာရင်းတွင်ပါသည်။
မိမိ မျိုးရိုးဇစ်မြှစ် သမိုင်းကိုသိလျှင် မဟာလူမျိုးကြီးဝါဒနှင့် စစ်အာဏာရှင်ကြီးစိုးသောစနစ်ဆိုတာလည်းမရှိနိုင်ပါ။
ဗိုလ်ချုပ်အောင်ဆန်းကဲ့သို့အရည်အချင်းရှိသော၊ စိတ်ဓါတ်ပြည့်ဝမှုရှိသော နိုင်ငံ့ခေါင်းဆောင်များ၊ ပြည်သူလူထုများကို မြန်မာ နိုင်ငံတော်တွင် အထူးလိုအပ်နေပါသည်။
အရေးကြီးဆုံးအချက်မှာ '' သမိုင်းပျောက်က ဇာတိပျောက်မည်၊ ဇာတိပျောက်က မျိုးချစ်စိတ်ပါ ပျောက်မည် ''
http://www.forshwemyanmar.co.cc/ မှကူးယူဖော်ပြသည်။

ကဲ မြန်မာလူမျိုးရဲ့ မျိုးရိုးဇစ်မြှစ်ကိုက ကပ္ပလီ အာဖရိကန်။ သူများကိုကုလားလို့သွားနှိမ်နေတာ ရှက်စရာတောင်ကောင်းသေးတယ်။ အထွေထွေဗဟုသုတဟာ လူတိုင်းအတွက် အရေးကြီးတယ်။

အစ္စလာမ်ရောင်ခြည် (I.Y.S) မှကူးယူမျှဝေပါသည်။

ဗလီကျောင်းတွင်းသို့ ဖိနပ်စီးဝင်သော နအဖ အရာရှိများ အပေါ် ဒေသခံ မူဆလင်များ ဒေါပွ

5/30/2010

------------ တာကလူး ------------မြန်မာနိုင်ငံ အနောက်ဘက် ရခိုင်ပြည်နယ် မောင်တောမြို့ရှိ မြို့မ ဗလီတွင်း သို့ ဖိနပ်စီးပြီး ၀င်ရောက်ခဲ့ကြသည့် နအဖ အရာရှိကြီးများ အပေါ် ဒေသခံ မူဆလင်များက မကျေမနပ် ဖြစ်နေကြသည်ဟု အီမမ် ခေါ် မူဆလင် တရားဟော ဆရာတစ်ဦးက ပြောသည်။ မောင်တော ခယက ဥက္ကဌ ထွန်းနိုင်လင်း နှင့် မယက ဥက္ကဌ အောင်ကျော်ဦး တို့သည် ဗလီတာဝန်ရှိ ပုဂ္ဂိုလ်များကို တစုံတရာ အကြောင်းကြားခဲ့ခြင်း မရှိပဲ လွန်ခဲ့သော ကြာသပတေးနေ့ နံနက်ပိုင်း အချိန်တွင် ဗလီထဲသို့ ဖိနပ်စီး ၀င်ခဲ့ ကြပြီး ဓါတ်ပုံများ ရိုက်ယူ သွားခဲ့သည်ဟု ဆိုသည်။ အစ္စလာမ် ကျင့်ဝတ်အရ အိုဇူ ခေါ် မျက်နှာ ခြေလက် ဆေးကြောပြီးမှ ၀င်ကြရသည့် ဘာသာရေးအရ အထွတ် အထိပ်ထားသည့် ဗလီဝတ်ပြု ကျောင်းထဲသို့ ဖိနပ်စီး၍ ၀င်ရောက် ခဲ့ကြခြင်းမှာ ၄င်းအရာရှိများ အနေဖြင့် အစ္စလာမ်ဘာသာကို မလေးမခန့် စော်ကား လိုက်ခြင်းဖြစ်သည်ဟု ၄င်း အီမမ်က နိရဉ္စရာကို ယခုကဲ့သို့ ပြောသည်။ “အစ္စလာမ် ကျင့်ဝတ်အရဆိုရင် အိုဇူ လို့ခေါ်တဲ့ မျက်နှာ ခြေလက်တွေ ဆေးကြောပြီးမှ ဗလီကျောင်းထဲကို ၀င်ကြရတာပါ။ ဒီလောက် အထွတ် အမြတ် ထားရတဲ့ ဘုရားကျောင်းထဲကို ဖိနပ်စီးပြီး လာဝင်တာဟာ အာဏာရှိတယ်ဆိုပြီး သက်သက် စော်ကားတာ ဖြစ်ပါတယ်။ ဘာသာမတူ ဆိုပြီး မလေးမခန့် လာလုပ်တာလည်း ဖြစ်ပါတယ်။ ဘယ်သူမှ မကျေနပ် ကြပါဘူး” ဟု ပြောသည်။ ထိုသို့ ခယကနှင့် မယက ဥက္ကဌများက ဗလီထဲသို့ ဖိနပ်စီး၍ ၀င်ရောက် ခဲ့ကြခြင်း အပေါ် ဒေခံမူဆလင်များမှာ မကျေမနပ် ဖြစ်နေကြပြီး “ ဖိနပ်စီး၍ မ၀င်ရ” ဟု ရေးသားထားသော ဆိုင်းဘုတ်တစ်ခုကိုလည်း ဗလီကျောင်း လမ်းဝ တည့်တည့်၌ ထိုနေ့တွင်ပင် ချိတ်ဆွဲ ထားလိုက်ကြကြောင်း သူက ပြောသည်။ မောင်တောမြို့ အမှတ် (၄)ရပ်ကွက်ရှိ မြို့မ ဗလ်ီမှာ မောင်တောခရိုင်အတွင်း အကြီးဆုံး ဗလီတစ်ခုဖြစ်သည်။ ခယကနှင့် မယက ဥက္ကဌများ ကိုယ်တိုင် လာရောက်ပြီး မည်သည့် အတွက်ကြောင့် ဗလီကို ဓါတ်ပုံ ၀င်ရိုက်ယူခဲ့ကြ သည်ကို ဗလီတာဝန်ရှိသူများ အနေဖြင့် တိတိကျကျ မသိ ကြ သော်လည်း မယကနှင့် နီးစပ်သူ တစ်ဦးက ဗလီကို ပြန်လည် တည်ဆောက် ပေးမည့် အစီအစဉ်ဖြင့် ဓါတ်ပုံ သွားရိုက်ခြင်း ဖြစ်နိုင်သည်ဟု ယခုကဲ့သို့ ပြောသည်။ “ဒု ပြည်ထဲရေးဝန်ကြီး ဖုန်းဆွေ လာတိုင်း ဗမာပြည်ကနေ ခေါ်ယူလာတဲ့ မူဆလင် သူဌေးတွေက ဒီမှာရှိတဲ့ ဗလီတွေကို ပြုပြင်ပေးဖို့ တောင်းဆို ကြတယ်လေ။ အထူးသဖြင့် ဒီ မောင်တော မြို့ထဲမှာရှိတဲ့ မြို့မ ဗလီကြီးကို မြို့အင်္ဂါနဲ့ အညီ ခမ်းခမ်းနားနား ဖြစ်အောင် ပြန်လည် တည်ဆောက်ခွင့် ပေးဖို့ တောင်းဆို နေကြတယ်လို့ ကြားတယ်။ ဒါကြောင့် အပေါ်က ညွှန်ကြားတဲ့ အတိုင်း သူတို့နှစ်ဦးက ဓါတ်ပုံ သွားရိုက်တာ ဖြစ်နိုင်ပါတယ်” ဟု ပြောသည်။ နအဖ အာဏာသိမ်းသည့် အချိန်မှ စ၍ မောင်တော ခရိုင်အတွင်း ဒေသန္တရ ဥပဒေ အမျိုးမျိုးဖြင့် မူဆလင်များ လက်ထပ်ခွင့် နှင့် ခရီးသွားခွင့် အပါအ၀င် ဗလီကျောင်းများ ပြန်လည်ပြုပြင်ခွင့်ကို တင်းကျပ် ထားခဲ့သည်။ သို့သော်လည်း လွန်ခဲ့သော ၂၀၀၉-ခု နှစ်လယ်ပိုင်းတွင် ဒုဝန်ကြီး ဖုန်းဆွေသည် ရန်ကုန်မှ မူဆလင် စီးပွားရေး သမားများနှင့် အတူ ရခိုင်ပြည်သို့ ပထမဆုံး အကြိမ် လည်ပတ်ခဲ့စဉ်ကပင် မောင်တောရှိ ဗလီ ၁၁ လုံးကို ပြန်ပြင်ခွင့် ပေးမည်ဟု ကတိပြု ပြောကြားခဲ့ကြောင်း ဒေသခံ မူဆလင် များက ပြောဆိုသည်။

----------------------------------- ----------------------------------- ----------------------------------- -----------------------------------
(နိရဉ္စရာသတင်းမှကူးယူပါသည်။